فارس راح على بيت عمه ورؤى والجوري طاقينها سوالف ولا يدرون وين ربي حاطهم
لمّا وقفت السياره
طبعاً الجوري ورؤى مايدرون شي نزلوا
فارس : هي هي هي انتي وياها على وين
الجوري بإستغراب : وصلنا المجمع له
فارس لف وجهه : ياربيه رباه .. ياحوله يالسباله ماتشوفينه عند بيت عمي
رؤى والجوري ناظروا للمكان وطلع بيت عمهم الجوري طاح وجها
رؤى : ليه جايبنا هنا ؟
فارس : ملاك بتجي
رؤى : مين ق
الجوري حطت يدها على فمها : الحين بروح بناديها
وسحبت رؤى معاها الي مو فاهمه شي
حرقوا الجرس من كثر ما يضربوه
راكان : ياوجع
الجوري : توجعك سنه على ماتفتح الباب
راكان : احمدي ربك ان ابوي وامي مو هنا ولا كان وجهك يتمشى بالارض من الفشله
الجوري : بعد زين
ودخلوا
الجوري : ملوكه يلا جهزي عباتك واحنا نتظرك بالسياره معانا لك مفاجأه
ملاك : شنو هالمفاجأه بالله .. وطلعه ماني طالعه
الجوري : بليز ملاك الظاهر ناويه اليوم على اعدامي
ملاك : اول شي تقولين لي شنو صاير
الجوري سحبت رؤى وصلوا عند الباب الي يطل على الشارع
الجوري : ناظري من النافذه وبتعرفي وبسرعه نتظركِ
وطلعت بسرعه
ليال ورؤى مثل الأطرش بالزفه مايدرون شنو صاير
راكان :بسم الله .. شفيها هالمجنونه وقسم كبر السن طلع يخرف
ملاك راحت تطل من النافذه تشوف شنو صاير
وماشافت غير وجهين بوجها
وجه الجوري ورؤى
ملاك بصراخ : يما
عند الهبلتين
الجوري ورؤى حالتهم يرثى لهم من الضحك
راكان : بسم الله الظاهر انتي بعد خرفتي معاهم
ملاك : يما شوف النافذه
راكان طل من النافذه وشاف
راكان : غير سيارة فارس شنو فيها
ملاك : شنو
راكان :اي طلي انتي
ملاك طلت من النافذه
ملاك ركضت بسرعه لفوق ولبست عباتها وطلعت
"""""""""
انتهى البارت
---------------------------------
البارت الحادي 11 عشر
الخبر - الجمعة سنتر
الجوري : رؤى شرياك بهالمحل ؟
رؤى : وقسم يالجوري تعبت خلاص نبي نقعد عاد
الجوري : لالا بس هالمحل عجبوني اغراضه المعروضه
ملاك على راسها أكبر علامة استفهام : الحين شحقه جايبيني اني وشو دخلني فيكم ها ؟
الجوري : ادا جلسنا بقول لك بس خلونا ندخل هالمحل
رؤى : الجوري وين اخوك ؟
الجوري : قال بشوف حاجه وبجي .. فكه
رؤى : امشي ندخل بس
دخلوا المحل وكان من جد روعه وبضاعته حلوه
رؤى : ملاكو انتي جهزتي للعرس ؟
ملاك : انتظركم والله .. من زمان خلصت بس بقي لي اكسسوار لليد واكيد موجود بكل مكان
رؤى : اها ..( وكأنها تدور حاجه ) ..
ملاك : شنو تدوري ؟
رؤى : الجوري اختفت
ملاك : بأخر المحل ماتشوفينها
رؤى وملاك راحوا لها
الجوري وبإيدها فستان : رؤىو شوفينه نفس الي بغيناه بالألوان والشكل والوصف
رؤى : صادقه مافي الوان غير ؟
الجوري : بلا في احمر شفت
رؤى : بتاخذي اي واحد ؟
الجوري : مادري مرره محتاره الإثنين حلوين
رؤى : ملاكو انتي شنو رايك من يناسب من ؟
ملاك بحيره : امم مادري ؤربي يحيرون بس اقول ان ان ؟!!!!!! امم
""""""""""""""
بالمول *** )
نواف : يلا ريماسو راسي افتر منك
ريماس : اقولك ماحصلت الجزمه الحلوه الي ابيها واخوك الثاني مادري وين ذلف
نواف : بالعقل يعني وين راح
ريماس : الموهم لاتروح وتخليني اهنا كله شباب
نواف : امشي بسرعه بس انا بعد ابي اروح اماكن
ريماس : طيب طيب بروح دا المحل حق الجزمات ~[ الله يكرمكم ]~ أمكن فيه هنا الي ابيها
نواف : بس دا بعدين خلاص
ريماس : طيب طيب
"""""""""
الساعه 5 العصر
رسيل جالسه متوتره مرره وتهز رجايلها بالأرض بسرعه
ام رائد : رسيل شنو فيك تهزين رجلك كذا فيك شي . ؟
رسيل : لا يمه بس متوتره شوي مو مصدقه انه بكره عرسي
ام رائد : ماعليك كل بنت ومردها بيت زوجها
رسيل دمعت عينها : يمه بتوحشيني
ام رائد حضنت بنتها : واني كنت مثلك يا يمه شوفيني استك عيله والحمد لله عايشه ومبسوطه حق ايش انتي زعلانه ؟
رسيل : يمه بس راح افقدكم
ام رائد : يلا عاد يارسيل بلا دلع الي يشوفك يقول ماراح تشوفينا مره ثانيه
رسيل : .......
ام رائد : الا وين بتسكنين ؟
رسيل : اول شي راح اسكن بيت اهله لأن البيت لسى ماخلص
ام رائد : اها .. الله يوفقك يمه دنيا وآخره
رسيل من قلب : آمين
""""""""
مر اليوم سريع على الكل
بعد يوم الساعه 3 الفجر
طبعاً رسيل رفضت تكلم فيصل أسبوعين لين مايجي موعد العرس
وهاد الي قهر فيصل
نروح لبيت الجده
""""""""""""""""""""
دخلت ملاك على البنات وهي تصفق : ماشاء الله ماشاء الله الحلوين مو ناوين يقومون ينامون ؟
الجوري وهي داخله جو مع اللعبه : طيب دقيقه بس
ملاك : لا .. بسرعه كل وحده تنقلع على سريرها
( وقامت وطفت الاب توب )
رؤى شهقت : ملاكو حرام عليك والله ماباقي شي ونخللص
الجوري بقهر : والله لأوريك انتظري بس بكرره
ملاك : يلا
قاموا البنات مبوزين واشكالهم تجنن وهم بالبيجامات
"""""""""""""""
رنا : احلامو ابي ارجع ضروري بكره عرس صاحبتي رسيل
احلام شهقت : حلفي
رنا : والله
احلام : من مين ؟
رنا بتفكير : امم مادري اتوقع اسمه يبدأ بحرف الفاء بس شنو ما ادكر
احلام : امم يمكن فهد فارس فراس فيصل فادي فا.......
رنا : قاطعتها : اي اي اسمه فيصل
احلام : اها عجل الحين بكلم ثامر يحجز لنا
(( للتذكير ثامر اخو احلام ))
"""""""""""""""" بنفس الوقت عند .....................
نواف ومشعل دخلوا الغرفه على فيصل الي مسوي نفسه نايم
نواف : نايم يبو الشباب
مشعل : وش هالعقل الي فيك احد يوم عرسه ينام
نواف : اكيد فيه يالدلخ
فيصل : برا انت وياه
نواف : تعال نبي نلعب معاك
فيصل فطس ضحك : هههههههههههههههههههههههههههههه هههههه هههههههههههههههههههه وشو ؟ههههههههههه
مشعل : يقصد نبي نلعب وياك اونو هاد جزاتنا نسليك
نواف : اي هاد وجه لعب اقول امش بس
فيصل :اقول انتو ليه للحين مانمتوا ولا موب ناوين تحضرون عرسي
مشعل : لالا مو الحين بنام بعدين الموهم
نواف يكمل : نبي نلعب
فيصل : وين اختكم ؟
مشعل ونواف بنفس الوقت : نايمه بيت جدتي
"""""""""""""""
صباح اليوم الثاني
الساعه 1 ونص
كانوا كل البنات بالسياره والجوري تاكل بطاطس
وريحة السياره كللها بطاطس
ريماس بخنقه : ؤف الجوري ؤربي اختنقت من الريحه
الجوري انفعلت : هئ ياربيه وشو .. هاد البطاطس تعرفي شنو البطاطس على سن ورمح مو اي كلام
ريماس فطست ضحك على انفعالها
ورؤى مو حولهم ابد
"""""""""""""""""""
وعلى الساعه 6ونص طلعو البنات من الصالون
واتجهو للإستيدو عشان يصورون
وبعدها راحوا للقاعه
اول ماوصلوا طبعاً اكيد كانت القاعه فاضيه لأن الساعه 8 وربع
الجوري : واو وناسه المكان فاضي
رؤى : بنات تتوعن رسيل جات ؟
لجين : اتصلت لي تقول انها بالطريق
وجلسوا البنات يجهزون نفسهم والجوري ورؤى جالسين ياكلون مكسرات وشاي ~~> ياحليلهم
وعلى الساعه 9 دخلوا الغرفه على رسيل وضربوها سوالف معها
ليال : يلا بنات الحين بجو الناس مين تجي معاي ؟؟
رسيل : تعالو وين امي والباقي ؟؟
لجين : الحين بجو
طلعوا البنات ولحظات ودخلوا الأمهات وسلمو إلخ إلخ .......
أوصف لكم لبس البنات
رسيل ./ كانت لابسه
ومسويه بشعرها
والميك أب
والمناكير
والحلق
الجوري ./ كانت لابسه
وعامله بشعرها
رؤى ../
وعامله بشعرها نفس الجوري
..
ملاك /. كانت لابسه
ومجعده شعرها وطالعه شي
بالقاعه شوي شوي بدوا الناس تجي
بوصف لكم بقية البنات شنو كانوا لابسين
لجين ./
شعرها ./
والميك أب نفس الي بالصوره
ريماس /.
وشعرها /.
ليال /.
وشعرها /.
""""""""""""""
الساعه 11 ونص ..
وقت زفة رسيل
دخلت عليها رؤى
رؤى : يلا رسيل وقت الزفه
الجوري تخوفها : خلاص الحين صرتي لفيصل ودعتي ايام العزوبيه
رسيل بخوف : الجوري بعدي عني مالي خلقك
رؤى : يلا الجوري روحي قولي للبنات وامي يجون
الجوري : اوك
وخلال خمس دقايق كانت الأوضاع تمام التمام
ملاك : ثواني بروح اقول للطقاه
رسيل : مو تنسين ملاك الموسيقى الي عطيتك اياها
ملاك : اوكي
انطفت الأضواء معدى اضواء خفيفه جداً واشتغلت الموسيقى الكلاسيكيه ودخلت رسيل وراها البنات وامها وخالتها ام فيصل
كانت روعه قمر بكل ماتعنيه الكلمه ~>> من قدها ماخذه فيصل ولد امم فيصل _^
وكان الكل يسمي عليها معدآ وحده الي تاكلها بعيونها
لمّا وصلت للكوشه جلست وبدت الطقاقه تغني
والمصوره تصورها
والبنات ضاربينها رقص وناسه
المصوره نادت ملاك : لو سمحتي يا أاختي ممكن تجميع عائلة العروسه ؟ عشان بناخذ لهم صور جماعيه
ملاك بإبتسامه : اوكي ثواني بس
ملاك راحت لرؤى : روحي قولي لأمك وخالتي ام فيصل بناخذ صوره جماعيه واني بقول للبنات
خلصت الأغنيه وقفوا البنات عن الرقص
واجتمعوا عند رسيل وبدأ التصوير
""""""""""""""" الساعه 12 عند الرجال
راكان : مبروك ياعريس
مشعل : الله يبارك فيك
راكان : من كلمك
مشعل : انت
راكان : اكلم فيصل .. فيصل مبروك ياعريس
فيصل : الله يبارك فيك
راكان : الف الف مبروك
فيصل : خلاص ؤربي حفظتها حفظتها
مشعل : لاتخاف ادري يابعد جبدي ليه مستعجل
فيصل : وع لوعت كبدي
راكان بالسوري : شوبك ياواد البنت محتطير
فيصل حقرهم
""""""""""""" الساعه وحده
اصوات البوري مالي الشارع وانواع الضحك من الشباب وهم يضربون الهرن
""""""""""""
الطقاقه قالت انه المعرس بدخل وانه الكل يتغطى
والبنات لبسوا عباتهم ورسيل وقفت وتغطت بالطرحه
ودخل فيصل بالبشت الأسود
واصوات التهليل من الحريم ؤلمّا وصل لرسيل شال الطرحه وباسها من جبينها
فيصل يهمس لها : الف مبروك ياقلبي
رسيل بإبتسامه : الله يبارك فيك
وبعد ماصوروا ريماس مع فيصل ورسيل وام فيصل
شمس جات والمكياج غامق بكل ماتعنيه الكلمه وحاطه اللفه بأهمال ونص شعرها طالع وعباتها مسكره بس الي فوق وفستانها كان لتحت الركبه وقال بجلع بصوتها وهي تعلك العلكه مدت يدها : الف مبروك يا فيسل !
رسيل انقهرت مرره وكانت شوي وتصيح
اما فيصل حقر يدها وقال : الله يبارك فيك
شمس : شدعوه ماتشوف يدي ممدوده
فيصل : انتي احترمي نفسك على الأقل تغطي ولا سكري عباتك ولاتخربين علي العرس
جات ريماس بعد ماشافت ردت فعل فيصل ورسيل وقالت : ممكن شوي شمس ابي جلس مع اخوي ومرت اخوي ~~>> قالت الراء ر
شمس : اكيد قلبي عادي
ومشت وهي تتخطر
بعد نصف ساعه
طلعوا العروسين لبيتهم بعد ما اخذت لهم المصوره كم صوره
والكل كان بالبوفيه
---------------------------------
البارت الثاني عشر
ملاك تجلس من النوم تناظر الساعه
وشهقت شهقه طويله
نامت 17 ساعه
ملاك : بسم الله كل ذا نوم
دخلت عليها ليال
ليال : وآخيراً جلستي من النوم
ملاك : كيف كذا ماجلستوني نمت كل ذا النوم
ليال : ما تنلامين من تعب العرس
ملاك : اي والله صدقتين
ملاك : اوكي اجل اني بروح اصلي يلا برا
ليال : مالت
وطالعت
"""""""""""""""""
كانت تركض اخوها ريان وهو يركض اسرع
وفجأه
شافت الأرض تنشق وتبلعه
رؤى قامت من النوم وهي تلهث : بسم الله الرحمن الرحيم اعوذ بالله منك يا ابليس
قامت رؤى ولبست شبشبها وطلعت لبره نزلت الصاله وشافت امها وابوها واخوها ريان
ام رائد : رؤى .. شفيك ليه نازله كذا ( بخوف ) .. شنو فيك ليه وجهك احمر كذا ..؟!
رؤى : ها .. لا يمه بس شفت كابوس ونزلت اشرب ماي
ريان : شنو فيك تناظريني ؟؟
رؤى بأحراج : ها .. لا بس شردت شوي
وراحت للمطبخ ..
روز : مدام رؤى سو فيكي انتي تأبان ؟؟
رؤى : لا
روز : تبي هاجي ؟؟
( تبي حاجه ) ؟؟
رؤى : لا
روز : وانت كلو لا لا
رؤى : مايدخلك انتي
رؤز : ؤوف ناس ميجانين
رؤى وهي تصب لها الماي : والله اعلم من المجنون فينا
""""""""""""""""
الجوري : هلا وغلا اخوي العزيز طلبتك طلب ولاتردني واني اختك الوسيمه
فارس : نعم
الجوري بنفسها ( نعامه ترفسك ) ..: انعم الله عليك .. ابي من باسكن
فارس مندمج مع الفلم : لا
الجوري : يلا فارس عشان خاطر عيني عينك ~>> تقصد ملاك
فارس قام للجوري وهي نحاشت
"""""""""""""""""""""
الساعه 4 العصر
رسيل : ياحيا الله من جانا
رنا : الله يحيك ياقلبي
رسيل : شو تشربين ؟؟
رنا : لا ياقلبي مابي شي
رسيل : لا ولو شاي او قهوه ؟؟؟
رنا : امم شاي
رسيل : اوكي ثواني
رنا كانت تتأمل الجناح كان بجد فخم وحلو ذوق فيصل
بعد خمس دقايق كانوا يشربون الشاهي
رنا : سوري حبيبتي ماجيت عرسك بس كنت مسافره ومالقينا حجز بدري
رسيل بإبتسامه : لاعيوني اهم شي رجعتي بالسلامه .. الا اخبارك واخبار الحمل معاك ان شاء الله مو متعبك ..؟
رنا : لا الحمد لله
رسيل : الا انتي بأي شهر ؟؟
رنا : الثالث قريب بدخل الرابع
رسيل : اها ان شاء الله تقومين بالسلامه
رنا : عقبالك
رسيل بحيا : تسلمين
""""""""""""""""""""
شوق : رائد ابي اروح اليوم بيت اهلك
رائد : ليه ؟؟
شوق : رؤى حرام جالسه محد معاها
رائد بإبتسامه لطيبت قلب شوق : اوكي من عيوني
شوق : تسلم لي عيونك
""""""""""""""""""
الجوري : ياهلا والله بأولاد اخوي الحلوين .. اجل وين ورود وراشد ؟؟
لجين : راحوا للبحرين وخلوا وليد وريما هنا
الجوري : اها وين ريوم عجل ؟؟
لجين : مع امي
الجوري : اها وليدو تعال شوي ابيك
وليد : زين
وقام معاها